"Барселона" ярим ҳимоячиси Френки де Йонг бўлажак ўйинларда майдонга тушиши мумкин.
Нидерландиялик футболчи Ла Лиганинг "Валенсия"га қарши учрашувида (1:0) асосий таркибда майдонга тушди, бироқ биринчи бўлимдан сўнг унинг ўрнини Франк Кессиэ эгаллади.
Журналист Решад Раҳмоннинг сўзларига кўра, ярим ҳимоячини алмаштириш фақат эҳтиёт чораси бўлган, жароҳат борасидаги шубҳалар беҳуда.
"Реал Мадрид" билан кубок ўйинидан кейин футболчи чарчаган ва ўзини яхши ҳис қилмаётган эди, шунинг учун Хави у билан таваккал қилмасликка қарор қилди.
Кейинги ўйинда "Барселона" Бильбаонинг "Атлетик" клуби билан куч синашади. Учрашув 12 март куни бўлиб ўтади.
