«Manchester Yunayted» himoyachisi Lyuk Shou Angliya premyer-ligasining 26-turi doirasidagi «Liverpul»dan uchralgan dahshatli mag‘lubiyat haqida gapirdi. Uchrashuv «Enfild»da bo‘lib o‘tdi va «Manchester Yunayted»ning 0:7 hisobidagi mag‘lubiyati bilan yakunlandi.
«Nima bo‘lganini tushuntirish qiyin. Biz o‘z darajamizda o‘ynay olmadik. Jamoa kecha o‘zi qodir bo‘lgan hamma narsadan juda uzoqda edi.
Muxlislarimiz oldida uyalaman. Men kechirim so‘ramoqchiman. Biz bu sharmandalikdan saboq olish uchun ushbu o‘yinni tahlil qilamiz», - deya futbolchining so‘zlarini keltiradi Manchester Evening News.
26 turdan so‘ng Erik ten Xag shogirdlari 49 ochko bilan turnir jadvalida uchinchi o‘rinda bormoqda.
