«Манчестер Юнайтед» ҳимоячиси Люк Шоу Англия премьер-лигасининг 26-тури доирасидаги «Ливерпул»дан учралган даҳшатли мағлубият ҳақида гапирди. Учрашув «Энфильд»да бўлиб ўтди ва «Манчестер Юнайтед»нинг 0:7 ҳисобидаги мағлубияти билан якунланди.
«Нима бўлганини тушунтириш қийин. Биз ўз даражамизда ўйнай олмадик. Жамоа кеча ўзи қодир бўлган ҳамма нарсадан жуда узоқда эди.
Мухлисларимиз олдида уяламан. Мен кечирим сўрамоқчиман. Биз бу шармандаликдан сабоқ олиш учун ушбу ўйинни таҳлил қиламиз», - дея футболчининг сўзларини келтиради Manchester Evening News.
26 турдан сўнг Эрик тен Хаг шогирдлари 49 очко билан турнир жадвалида учинчи ўринда бормоқда.
