"Manchester Yunayted"ning sobiq sardori Roy Kin "qizil iblislar"ning APL doirasida "Liverpul"ga qarshi o‘yinini "sirk" deb atadi.
"Bu meni "Manchester Yunayted"da doim bezovta qilgan narsa. O‘tgan hafta ular kubokni qo‘lga kiritishdi, ular ko‘p bayram qilishdi va men buning uchun hech qachon jamoani ayblamayman. Lekin keyin ular "Vest Xem"ga qarshi to‘qnash kelishdi va sirk "Manchester Yunayted"ga qaytib keldi. Men o‘sha o‘yinda edim.
Bugun men ikkinchi bo‘limga kirib kelayotgan futbolchilarni kulib, hazil qilishayotganini ko‘rdim. Siz "Enfild"da 1:0 hisobida ortda qolyapsiz, ammo stadion xodimlari, darvozabonlar murabbiyi bilan kulib, hazillashib o‘tiribsiz. Menga bu bema’ni narsalarni ko‘rish umuman yoqmaydi.
Haqiqatan ham ular yana sirkga aylana oladi deb o‘ylayman va tajribali o‘yinchilarga ega bo‘lgan murabbiy buni nazoratga olishi kerak. "Vest Xem"ga qarshi (Angliya kubogida) ham xuddi shunday bo‘ldi: katta shou, ko‘p bayram. Buning chorasi bor.
"Vest Xem" yetarli darajada yaxshi bo‘lmagani uchun "MYU" hafta o‘rtasidagi o‘yinda muvaffaqiyatga erishdi.
Bu jiddiy narsa, o‘yin-kulgini unuting. Qolaversa, ikkinchi bo‘limda ba’zi futbolchilar qarshilik ko‘rsatishni to‘xtatdilar. O‘ylaymanki, o‘yin tugaganidan keyin ular endi zavqlanishmadi", - dedi Kin Sky Sports nashriga.
