"Манчестер Юнайтед"нинг собиқ сардори Рой Кин "қизил иблислар"нинг АПЛ доирасида "Ливерпул"га қарши ўйинини "цирк" деб атади.
"Бу мени "Манчестер Юнайтед"да доим безовта қилган нарса. Ўтган ҳафта улар кубокни қўлга киритишди, улар кўп байрам қилишди ва мен бунинг учун ҳеч қачон жамоани айбламайман. Лекин кейин улар "Вест Хэм"га қарши тўқнаш келишди ва цирк "Манчестер Юнайтед"га қайтиб келди. Мен ўша ўйинда эдим.
Бугун мен иккинчи бўлимга кириб келаётган футболчиларни кулиб, ҳазил қилишаётганини кўрдим. Сиз "Энфилд"да 1:0 ҳисобида ортда қоляпсиз, аммо стадион ходимлари, дарвозабонлар мураббийи билан кулиб, ҳазиллашиб ўтирибсиз. Менга бу бемаъни нарсаларни кўриш умуман ёқмайди.
Ҳақиқатан ҳам улар яна циркга айлана олади деб ўйлайман ва тажрибали ўйинчиларга эга бўлган мураббий буни назоратга олиши керак. "Вест Хэм"га қарши (Англия кубогида) ҳам худди шундай бўлди: катта шоу, кўп байрам. Бунинг чораси бор.
"Вест Хэм" етарли даражада яхши бўлмагани учун "МЮ" ҳафта ўртасидаги ўйинда муваффақиятга эришди.
Бу жиддий нарса, ўйин-кулгини унутинг. Қолаверса, иккинчи бўлимда баъзи футболчилар қаршилик кўрсатишни тўхтатдилар. Ўйлайманки, ўйин тугаганидан кейин улар энди завқланишмади", - деди Кин Sky Sports нашрига.
