Yakshanba kuni “Barselona” “Valensiya” ustidan 1:0 hisobida g‘alaba qozonib, o‘z muxlislarini xursand qildi. Kataloniyaliklar bu bilan noodatiy rekord o‘rnatishdi, bu haqda Opta xabar berdi.
Gap shundaki, “ko‘k-anorranglilar” joriy mavsum La Ligada 1:0 hisobida 8 ta g‘alabani tantana qilishgan. Ilgari hech bir chempionatda "Barselona" bunchalik ko‘p minimal g‘alabalarni qo‘lga kiritmagan (1:0).
Uch ochko jamg‘argan Xavi shogirdlari La Liga turnir jadvalida "Real" bilan farqni 10 taga yetkazib oldi.
