"PSJ" va Argentina terma jamoasi hujumchisi Lionel Messini bugun uning klubi yetib kelgan Myunxenda iliq kutib olishdi. Le Parisen xabariga ko‘ra, Parij klubi futbolchilari bo‘lgan avtobus ular joylashadigan mehmonxona tomon yo‘l olgan bir paytda mehmonxonaga yig‘ilgan muxlislar mashhur hujumchi nomini kuylay boshlashgan.
Eslatib o‘tamiz, 8 mart kuni "PSJ" "Alyans Arena"da Chempionlar ligasi 1/8 final javob o‘yinida "Bavariya" bilan uchrashadi. Fevral oyi o‘rtalarida Parijdagi "Park de Prens" stadionida bo‘lib o‘tgan birinchi o‘yinda myunxenliklar kuchliroq edi - 1:0.
