Angliya chempionatining yigirma oltinchi turidan o‘rin olgan so‘nggi o‘yinda «Brentford» o‘z uyida «Fulxem»ni mag‘lub etdi. Mehmonlar murabbiyi Marku Silva uchrashuv haqida o‘z fikrlari bilan o‘rtoqlashdi.
«Albatta, achinarli natija bo‘ldi. Ayniqsa derbida uch ochko uchun kurashmoqchi edik. Biz bunday o‘yinlarni yaxshi ko‘ramiz, ammo uchrashuvning boshlanishi omadsiz bo‘lib chiqdi.
Biroz tajovuzkorlik yetishmadi. O‘yinni boshqacha boshlashimiz kerak edi. Darvozamizga penalti belgilash qaroridan hayratda qoldim, hakam epizodning takrorini ko‘rishni ham o‘ziga ep ko‘rmadi. Umuman olganda, nafaqat biz, balki hakam ham yomon harakat qildi», - dedi Silva.
