Англия чемпионатининг йигирма олтинчи туридан ўрин олган сўнгги ўйинда «Брентфорд» ўз уйида «Фулхэм»ни мағлуб этди. Меҳмонлар мураббийи Марку Силва учрашув ҳақида ўз фикрлари билан ўртоқлашди.
«Албатта, ачинарли натижа бўлди. Айниқса дербида уч очко учун курашмоқчи эдик. Биз бундай ўйинларни яхши кўрамиз, аммо учрашувнинг бошланиши омадсиз бўлиб чиқди.
Бироз тажовузкорлик етишмади. Ўйинни бошқача бошлашимиз керак эди. Дарвозамизга пенальти белгилаш қароридан ҳайратда қолдим, ҳакам эпизоднинг такрорини кўришни ҳам ўзига эп кўрмади. Умуман олганда, нафақат биз, балки ҳакам ҳам ёмон ҳаракат қилди», - деди Силва.
