Ispaniyalik darvozabon David de Xea "Manchester Yunayted" rahbariyati bilan hamkorlikni uzaytirish borasida muzokaralar olib bormoqda. Tuttomercatoweb xabariga ko‘ra, 32 yoshli darvozabon "Old Trafford"da qolish uchun maoshini kamaytirishga tayyor.
Tomonlar mehnat shartnomasini bir mavsumga uzaytirishi kutilmoqda. De Xeaning “qizil iblislar” bilan amaldagi shartnomasi shu yozda yakuniga yetadi. U 2011 yildan buyon "Manchester Yunayted"da o‘ynab kelmoqda.
Angliya Premyer-ligasining joriy mavsumida 32 yoshli darvozabon 25 ta o‘yin o‘tkazib, 35 ta gol o‘tkazib yuborgan.
