Mayk Richards Antonining "Liverpul"ga qarshi o‘yinini tanqid qildi.
APLning 26-turida "Manchester Yunayted" 0:7 hisobida mag‘lub bo‘ldi va 1931 yildan beri chempionatdagi eng yomon natijasini takrorladi.
"Diogo Dalot va Antoni o‘rtasida umuman jamoaviy ish bo‘lmadi. "Manchester Yunayted" o‘zini o‘n kishi bilan o‘ynagandek his qildi, chunki Antoni qanotda o‘z ishini bajarmayotgandi. Endryu Robertson va Trent Aleksander-Arnold qanot himoyachilari sifatida qanchalik yaxshi ekanini hammamiz bilamiz, shuning uchun Antoni Robertsonga yaqinlashishga harakat qiladi deb taxmin qilish mumkin.
Birinchidan, u Robertsonni kuzatib bormadi, u undan sakkiz metr uzoqlikda edi va bu keyin nima bo‘lishini ko‘rsatdi. Antoni bu pozisiyaga qaytishi kerak edi, lekin u buni qilmadi.
U juda dangasa bo‘ldimi yoki murabbiy qarshi hujumda xavfli bo‘lish uchun yuqorida turishni aytdimi, tushunmadim. Har holda, bu qayta-qayta sodir bo‘ldi.
"MYU" to‘pni yo‘qotishi bilan Antoni shunchaki yurdi. Gap "Manchester Yunayted" uchun eng muhim o‘yinlardan biri haqida ketmoqda va ular to‘pni qaytarishganda, u himoyachilardan ortda qolib ketishning iloji yo‘q, chunki u to‘rt yard ofsaydda (1 yard 0,9144 metrga teng)", - dedi "Manchester Siti"ning sobiq futbolchisi Richards.
