Relevo xabariga ko‘ra, "Sevilya" bosh murabbiyi Xorxe Sampaoli iste’foga chiqarilishi mumkin.
Bir qator muvaffaqiyatsiz natijalardan so‘ng, klub allaqachon murabbiyni o‘zgartirishni qidira boshlagan. "Fenerbaxche" va "Almeriya" bilan uy uchrashuvlari Sampaolining klubdagi taqdiri uchun hal qiluvchi bo‘lishi kutilmoqda.
El Chiringuito ma’lumotlariga ko‘ra, "Valensiya"ning sobiq bosh murabbiyi, hozirda jamoadan tashqarida bo‘lgan Xose Bordalas va "Ash-SHabaab"dan Visente Morenolar bosh murabbiylikka nomzodlar qatorida.
"Sevilya" YEL 1/8 finaliga yo‘l oldi, ammo barcha musobaqalardagi so‘nggi 3 ta o‘yinda mag‘lub bo‘ldi. Jamoa ayni damda La Ligada 17-o‘rinni egallab turibdi.
