Myunxenning “Bavariya” klubi bosh murabbiyi Yulian Nagelsmann “PSJ” bilan Chempionlar ligasi 1/8 final javob uchrashuvi arafasida hujumchi Sadio Manening holati haqida gapirdi.
“U tiklanishga tobora yaqinlashmoqda. Menimcha, u ertaga asosiy tarkibda o‘yinni boshlamaydi, lekin biz uni safga qaytganidan xursandmiz. Hammasi o‘yindagi hisobga bog‘liq. Sadio o‘yinchi sifatida maydonga tushish orqali natijani hal qiladigan o‘yinchi bo‘lishi mumkin", dedi Nagelsmann.
“Bavariya” – “PSJ” uchrashuvi ertaga, 8 mart kuni tunda bo‘lib o‘tadi. Birinchi o‘yin "Bavariya"ning minimal hisobdagi g‘alabasi bilan yakunlangan.
