“Chelsi” himoyachisi Mark Kukurelya Chempionlar ligasi 1/8 finalining “Borussiya”ga qarshi javob uchrashuvida (2:0) eng yaxshi futbolchi deb topildi. O‘yindan so‘ng unga esdalik sovg‘asi topshirildi.

“Kukurelya fantastik futbol namoyish etdi. U birinchi bo‘limda ko‘p uzatmalarni amalga oshirdi, o‘yinni yaxshi o‘qidi va paslarda aniqlik ko‘rsatdi, bu “Chelsi”ning g‘alabasiga hissa qo‘shdi”, — dedi UYEFA texnik kuzatuvchisi.

Dastlabki o‘yinda dortmundliklar 1:0 hisobida g‘alaba qozonishgandi, ikki o‘yin natijasiga ko‘ra “Chelsi” chorak finalga yo‘l oldi.