“Челси” ҳимоячиси Марк Кукурелья Чемпионлар лигаси 1/8 финалининг “Боруссия”га қарши жавоб учрашувида (2:0) энг яхши футболчи деб топилди. Ўйиндан сўнг унга эсдалик совғаси топширилди.

“Кукурелья фантастик футбол намойиш этди. У биринчи бўлимда кўп узатмаларни амалга оширди, ўйинни яхши ўқиди ва пасларда аниқлик кўрсатди, бу “Челси”нинг ғалабасига ҳисса қўшди”, — деди УЕФА техник кузатувчиси.

Дастлабки ўйинда дортмундликлар 1:0 ҳисобида ғалаба қозонишганди, икки ўйин натижасига кўра “Челси” чорак финалга йўл олди.