«Barselona» bosh murabbiyi Xavi o‘zining "ko‘k-anorranglilar"dagi faoliyati haqidagi savolga javob berdi.

«Meni doimo muhokama va tanqid qilishadi. Bu men uchun og‘ir. Mening oilam va yosh farzandlarim bor. Ba’zi narsalar borki, «Barsa» murabbiyi bo‘lish zararli.

Sen yaxshi murabbiy emassan, unday emassan, bunday emassan, deb gapirishsa, og‘ir botadi. Ba’zida tanqidlardan xabaring bo‘lmaydi, ammo do‘sting telefon qilib, bu haqda senga aytadi.

Hayotimdagi eng og‘ir kunlar «Barsa»dagi murabbiylik faoliyatimga to‘g‘ri keladi. Ko‘p marta o‘zimga o‘zimga savol berganman: "shu senga kerakmi?" Moliyaviy jihatdan menga hech narsa kerak emas... Ammo men «Barsa»dan chiqqanman va klubga yordam berishni istayman», — dedi Xavi.