«Milan» yarim himoyachisi Sandro Tonali Chempionlar ligasi 1/8 finali javob uchrashuvida «Tottenxem» bilan o‘yindagi durang (0:0) haqida fikr bildirdi.
«Bu men uchun va barchamiz uchun juda katta ahamiyatga ega bahs bo‘ldi. Bu bosqichga qanday yo‘l bilan kelganimizni, yo‘limizda qanday qiyinchiliklar borligini va ularni qanday yengib o‘tganimizni hamma yaxshi bilardi.
Endi his-tuyg‘ularni so‘z bilan ifodalash qiyin. Biz bu o‘yinda bor kuchimizni berdik. Keyingi bosqichga chiqishni juda xohlagandik», - deya Tonalining so‘zlaridan iqtibos keltirdi UYEFA matbuot xizmati.
Birinchi o‘yinda Italiya jamoasi 1:0 hisobida g‘alaba qozonib, 1/4 finalga yo‘l olgandi.
