«Милан» ярим ҳимоячиси Сандро Тонали Чемпионлар лигаси 1/8 финали жавоб учрашувида «Тоттенхэм» билан ўйиндаги дуранг (0:0) ҳақида фикр билдирди.
«Бу мен учун ва барчамиз учун жуда катта аҳамиятга эга баҳс бўлди. Бу босқичга қандай йўл билан келганимизни, йўлимизда қандай қийинчиликлар борлигини ва уларни қандай енгиб ўтганимизни ҳамма яхши биларди.
Энди ҳис-туйғуларни сўз билан ифодалаш қийин. Биз бу ўйинда бор кучимизни бердик. Кейинги босқичга чиқишни жуда хоҳлагандик», - дея Тоналининг сўзларидан иқтибос келтирди УЕФА матбуот хизмати.
Биринчи ўйинда Италия жамоаси 1:0 ҳисобида ғалаба қозониб, 1/4 финалга йўл олганди.
