«Bavariya» hujumchisi Kingsli Koman Chempionlar ligasi 1/8 final javob o‘yinida «PSJ» ustidan qozonilgan g‘alaba (2:0) haqida fikr bildirdi.
«Bu juda qiyin bo‘ldi, ayniqsa birinchi bo‘limda. Raqib yaxshi o‘ynadi. Tanaffusda gaplashdik, ba’zi muammolarni hal qildik va ikkinchi bo‘limda ixchamroq o‘ynadik.
O‘ylaymanki, biz g‘alaba qozonishga haqli edik. Zaxira sifatida maydonga tushgan futbolchilar a’lo darajada harakat qilishdi», - deya Komanning so‘zlarini keltirmoqda UYEFA matbuot xizmati.
Myunxenliklar dastlabki bahsda 1:0 hisobida zafar quchgan edi. Natijada «Bavariya» chorak finalga yo‘l oldi.
