«Бавария» ҳужумчиси Кингсли Коман Чемпионлар лигаси 1/8 финал жавоб ўйинида «ПСЖ» устидан қозонилган ғалаба (2:0) ҳақида фикр билдирди.

«Бу жуда қийин бўлди, айниқса биринчи бўлимда. Рақиб яхши ўйнади. Танаффусда гаплашдик, баъзи муаммоларни ҳал қилдик ва иккинчи бўлимда ихчамроқ ўйнадик.

Ўйлайманки, биз ғалаба қозонишга ҳақли эдик. Захира сифатида майдонга тушган футболчилар аъло даражада ҳаракат қилишди», - дея Команнинг сўзларини келтирмоқда УЕФА матбуот хизмати.

Мюнхенликлар дастлабки баҳсда 1:0 ҳисобида зафар қучган эди. Натижада «Бавария» чорак финалга йўл олди.