Xarri Keyn Chempionlar ligasidan chiqib ketgan "Tottenxem"ni tanqid qildi.

Kecha "shporlar" Chempionlar ligasi 1/8 final javob o‘yinida "Milan" bilan durang o‘ynadi (0:0) va turnirni tark etdi (birinchi o‘yin - 0:1).

"Biz kuboklarni yutishimiz kerak. Bu har doim maqsad bo‘lib kelgan. APLda kuchli to‘rtlikka kirish maqsadi esa o‘zimiz xohlagan darajada o‘ynay olmayotganimiz oqibatidir. Endi bu uchun kurashishimiz mumkin. Bu bizning maqsadimiz bo‘ladi va umid qilamanki, mavsum oxirida bunga erishamiz. Lekin, albatta, bunday klub uchun bu yetarli emas.

Shunchaki kuchli to‘rtlikka kirish bu klubda hech kimga, ayniqsa muxlislarga yarashmaydi. Ular o‘z fikrlarini bildirish huquqiga ega.

O‘tgan hafta unchalik omadli bo‘lmadi. "Sheffild Yunayted"ga qarshi 1:0 hisobidagi g‘alabadan oldin (Angliya Kubogi 16-raundida) mavsum butunlay boshqacha bo‘lishi mumkin edi. O‘tgan haftadagi mag‘lubiyat qalbimizga xanjar sanchgandek, o‘zingiz ko‘rib turganingizdek, biz haligacha bundan o‘zimizni tiklaganimiz yo‘q.

Biz harakat qilamiz, mashq qilamiz, lekin bizga nimadir yetishmaydi. Biz Yevropaning eng yaxshi jamoalaridan biri bo‘lish uchun mentalitet va shafqatsiz chanqoqlik haqida gapirgan edik. Biz hali bunga erisha olmadik", - deydi Keyn.