«Manchester Yunayted» hujumchisi Vout Vegxorst payshanba oqshomida Yevropa ligasi doirasidagi «Real Betis»ga qarshi o‘yinda gol urdi.
Bu gollandiyalik futbolchi uchun yanvar oyidan beri birinchi gol bo‘ldi. «Qizil iblislar» bosh murabbiyi Erik ten Xag nima sababdan Vegxorst gol urmaganiga qaramay, asosiy tarkibdan joy olganini tushuntirdi.
«Vegxorst jismoniy jihatdan ko‘p o‘yin o‘tkazishga qodir. U yaxshi o‘ynaydi va yaxshi tiklana oladi. Men undan ko‘p o‘ynashini kutaman, ammo Vegxorstning deyarli har bir o‘yinni boshidan oxirigacha o‘tkazganiga asosiy sabab - Antoni Marsyalning jarohati», - dedi Ten Xag matbuot anjumanida.
