«Манчестер Юнайтед» ҳужумчиси Воут Вегхорст пайшанба оқшомида Европа лигаси доирасидаги «Реал Бетис»га қарши ўйинда гол урди.
Бу голландиялик футболчи учун январь ойидан бери биринчи гол бўлди. «Қизил иблислар» бош мураббийи Эрик тен Хаг нима сабабдан Вегхорст гол урмаганига қарамай, асосий таркибдан жой олганини тушунтирди.
«Вегхорст жисмоний жиҳатдан кўп ўйин ўтказишга қодир. У яхши ўйнайди ва яхши тиклана олади. Мен ундан кўп ўйнашини кутаман, аммо Вегхорстнинг деярли ҳар бир ўйинни бошидан охиригача ўтказганига асосий сабаб - Антони Марсьялнинг жароҳати», - деди Тен Хаг матбуот анжуманида.
