"PSJ" matbuot xizmati Chempionlar ligasidan tushib ketganidan so‘ng jamoa muxlislariga murojaat qildi. Klub nufuzli turnirdagi ishtirokini 1/8 final bosqichida "Bavariya"dan mag‘lubiyatga uchragan holda yakunladi.
“Biz muxlislarimizga kuchli qo‘llab-quvvatlash uchun rahmat aytmoqchimiz. Klubimiz qiyin damlarni yengib o‘tishni biladi. Biz faqat birgalikda kuchliroqmiz. Biz kelajak haqida o‘ylashimiz kerak, hozir maqsadimiz Liga 1da chempionlik. 11-chempionlik biz uchun muhim voqea bo‘ladi. Kelajagimizni birgalikda quraylik”, - deyiladi klub bayonotida.
"PSJ" "Bavariya"ga umumiy 3:0 hisobida mag‘lub bo‘ldi.
26-turdan so‘ng parijliklar 2-o‘rindagi jamoadan 8 ochkolik farq bilan Liga 1da peshqadamlik qilmoqda.
