"ПСЖ" матбуот хизмати Чемпионлар лигасидан тушиб кетганидан сўнг жамоа мухлисларига мурожаат қилди. Клуб нуфузли турнирдаги иштирокини 1/8 финал босқичида "Бавария"дан мағлубиятга учраган ҳолда якунлади.
“Биз мухлисларимизга кучли қўллаб-қувватлаш учун раҳмат айтмоқчимиз. Клубимиз қийин дамларни енгиб ўтишни билади. Биз фақат биргаликда кучлироқмиз. Биз келажак ҳақида ўйлашимиз керак, ҳозир мақсадимиз Лига 1да чемпионлик. 11-чемпионлик биз учун муҳим воқеа бўлади. Келажагимизни биргаликда қурайлик”, - дейилади клуб баёнотида.
"ПСЖ" "Бавария"га умумий 3:0 ҳисобида мағлуб бўлди.
26-турдан сўнг парижликлар 2-ўриндаги жамоадан 8 очколик фарқ билан Лига 1да пешқадамлик қилмоқда.
