Italiya chempionatining yigirma oltinchi turi sensasiya bilan boshlandi – kamtarona "Spesiya" Milanning “Inter” klubini mag‘lub etdi. "Spesiya" ustozi Leonardo Semplichi g‘alabadan keyin fikr bildirdi.
- “Inter” ustidan qozonilgan g‘alaba har kuni ham bo‘lavermaydi. Bu ajoyib o‘yin bo‘ldi. Biz butun jamoa bilan himoyalandik, javob golini qabul qilganimizdan so‘ng, durang bo‘ladi deb o‘yladim, lekin yigitlar yana bitta gol urishga muvaffaq bo‘lishdi, bu meniki emas, butunlay ularning xizmati. Biz juda muhim uch ochkoni qo‘lga kiritdik. Bizda yosh, ammo o‘sib borayotgan jamoa bor, natijaga erishish uchun shunga o‘xshash uslubda ishlashga harakat qilamiz", - deya Semplichi so‘zlarini iqtibos keltiradi fcinter1908.it.
