Qishki transfer oynasida Istanbulning “Galatasaroy” klubiga ko‘chib o‘tgan italiyalik yarim himoyachi Nikolo Dzanyolo yangi jamoasidagi debyut golini urdi.
Yarim himoyachi Superliganing 25-turidan o‘rin olgan "Qosimpasha" klubiga qarshi uchrashuvda gol urdi. Natijada bu to‘p o‘yinda yagona bo‘ldi. Nikolo ikkinchi bo‘limda zaxiradan maydonga tushdi va oradan 11 daqiqa o‘tib gol urdi.
23 yoshli italiyalik "Galatasaroy" bilan 2027 yilning o‘rtalariga qadar uzoq muddatli shartnoma imzoladi. Yarim himoyachining transfer narxi 30 million yevroni tashkil qiladi.
24-turdan keyin Istanbul klubi 9 ochkolik farq bilan chempionatda peshqadamlik qilmoqda.
