Madridning «Real» klubi Kilian Mbappening klubga o‘tish istagi haqidagi ma’lumotlarga shubha bilan qaramoqda.
«PSJ» hujumchisining bir necha bor rad javobidan keyin «Real» uning so‘zlariga ishonmay qoldi, deb yozadi Marca.
Albatta, klubda Mbappega xayrixohlik ko‘p, u o‘yinni o‘zgartira oladigan futbolchi sanaladi, ammo endi avvalgidek futbolchi va «Real» o‘rtasida mavjud bo‘lgan rishta yo‘qoldi.
Endi Madrid Kilianning klubga qo‘shilishni xohlayotgani haqidagi so‘zlarini zerikish va ishonchsizlik bilan qabul qiladi.
«Real Madrid» «PSJ» Chempionlar ligasidan chiqib ketganidan keyin hech qanday harakatni rejalashtirmayapti.
Klub shunchaki kuzatuvchi pozisiyasini egalladi. Shu tariqa, Mbappening transferi «Real»ning yozgi rejalariga kiritilmagan. Agar Kilian o‘zi «PSJ» bilan hamkorlikni to‘xtatsa, «Madrid» uning uchun kurashga qo‘shilishi mumkin, ammo «Real Madrid» parijliklar bilan muzokaraga kirishmoqchi emas, chunki «qaymoqranglilar» rahbariyati «PSJ» boshliqlari Mbappeni osonlikcha qo‘yib yubormasligini tushunadi.
