Мадриднинг «Реал» клуби Килиан Мбаппенинг клубга ўтиш истаги ҳақидаги маълумотларга шубҳа билан қарамоқда.
«ПСЖ» ҳужумчисининг бир неча бор рад жавобидан кейин «Реал» унинг сўзларига ишонмай қолди, деб ёзади Marca.
Албатта, клубда Мбаппега хайрихоҳлик кўп, у ўйинни ўзгартира оладиган футболчи саналади, аммо энди аввалгидек футболчи ва «Реал» ўртасида мавжуд бўлган ришта йўқолди.
Энди Мадрид Килианнинг клубга қўшилишни хоҳлаётгани ҳақидаги сўзларини зерикиш ва ишончсизлик билан қабул қилади.
«Реал Мадрид» «ПСЖ» Чемпионлар лигасидан чиқиб кетганидан кейин ҳеч қандай ҳаракатни режалаштирмаяпти.
Клуб шунчаки кузатувчи позициясини эгаллади. Шу тариқа, Мбаппенинг трансфери «Реал»нинг ёзги режаларига киритилмаган. Агар Килиан ўзи «ПСЖ» билан ҳамкорликни тўхтатса, «Мадрид» унинг учун курашга қўшилиши мумкин, аммо «Реал Мадрид» парижликлар билан музокарага киришмоқчи эмас, чунки «қаймоқранглилар» раҳбарияти «ПСЖ» бошлиқлари Мбаппени осонликча қўйиб юбормаслигини тушунади.
