Mish-mishlar "Manchester Siti" yarim himoyachisi Bernardu Silvani "PSJ" bilan bog‘lashda davom etmoqda. Ispaniyaning Sport nashri xabariga ko‘ra, Liga 1 grandi allaqachon 28 yoshli portugaliyalik uchun foydali shartnoma taklifini tayyorlamoqda.
Avvalroq Bernardu Silvaning o‘zi ham o‘zini yangi loyihada sinab ko‘rish istagi haqida gapirgandi. U 2017 yilning yozidan "Monako"dan transfer qilinganidan keyin "Manchester Siti"da o‘ynamoqda.
Bernardu Silva shuningdek "Barselona"ning radarida, ammo moliyaviy sabablarga ko‘ra kataloniyaliklar futbolchini transfer qilishlari qiyin bo‘ladi.
Transfermarkt portali ekspertlari Bernardu Silvani 90 million yevroga baholamoqda.