Миш-мишлар "Манчестер Сити" ярим ҳимоячиси Бернарду Силвани "ПСЖ" билан боғлашда давом этмоқда. Испаниянинг Sport нашри хабарига кўра, Лига 1 гранди аллақачон 28 ёшли португалиялик учун фойдали шартнома таклифини тайёрламоқда.
Аввалроқ Бернарду Силванинг ўзи ҳам ўзини янги лойиҳада синаб кўриш истаги ҳақида гапирганди. У 2017 йилнинг ёзидан "Монако"дан трансфер қилинганидан кейин "Манчестер Сити"да ўйнамоқда.
Бернарду Силва шунингдек "Барселона"нинг радарида, аммо молиявий сабабларга кўра каталонияликлар футболчини трансфер қилишлари қийин бўлади.
Transfermarkt портали экспертлари Бернарду Силвани 90 миллион еврога баҳоламоқда.