"Barselona" ba’zi futbolchilar bilan shartnomalarni yangilashga ustuvor ahamiyat bermoqda. Avvaliga "ko‘k-anorranglilar" yarim himoyachi Serxio Buskets bilan hamkorlikni yangilamoqchi, keyin esa qanot hujumchisi Usmon Dembele bilan kelishuvga erishmoqchi.
Busketsning "Barselona" bilan shartnomasi mavsum oxirida tugaydi, Dembeleda esa yana bir mavsumlik shartnoma bor. Rahbariyat Serxio bilan shartnomani uzaytirmoqchi, ammo maoshi uch baravar kamayishi sharti bilan.
Busketsda avvalroq MLSdan takliflar borligi aytilgan edi va Dembele esa yozda "PSJ"ga o‘tishi mumkinligi haqida xabarlar tarqalgan edi. Usmon hozirda jarohati sabab safdan chiqqan.
