"Барселона" баъзи футболчилар билан шартномаларни янгилашга устувор аҳамият бермоқда. Аввалига "кўк-анорранглилар" ярим ҳимоячи Серхио Бускетс билан ҳамкорликни янгиламоқчи, кейин эса қанот ҳужумчиси Усмон Дембеле билан келишувга эришмоқчи.
Бускетснинг "Барселона" билан шартномаси мавсум охирида тугайди, Дембеледа эса яна бир мавсумлик шартнома бор. Раҳбарият Серхио билан шартномани узайтирмоқчи, аммо маоши уч баравар камайиши шарти билан.
Бускетсда аввалроқ МЛСдан таклифлар борлиги айтилган эди ва Дембеле эса ёзда "ПСЖ"га ўтиши мумкинлиги ҳақида хабарлар тарқалган эди. Усмон ҳозирда жароҳати сабаб сафдан чиққан.
