Italiya A seriyasining 26-turi doirasida «Roma» o‘z maydonida «Sassuolo»ni qabul qilib, imokniyatni boy berdi. Muxlislar mazkur o‘yinda 7ta gol guvohiga aylanishdi.

Mehmonlar uchrashuvni ancha faol boshlashdi hamda 13 va 18-daqiqalarda Arman Loryante "Roma" darvozasiga 2 ta gol urishga muvaffaq bo‘ldi.

Rimliklar 26-daqiqaga kelib bitta javob to‘pini kiritishgandi, biroq birinchi bo‘limga qo‘shib berilgan 3-daqiqada jamoa himoyachisi Kumbula "qovun" tushirdi. U yerda yotgan va to‘pga egalik qilmayotgan raqib futbolchisini ochiqdan ochiq tepdi va maydondan chetlatildi. Belgilangan penaltini Berardi golga aylantirib, oradagi farqni yana ikkitaga oshirdi.

"Roma" ikkinchi bo‘limda bir kishi kam bo‘lib o‘ynaganiga qaramay, raqib darvozasiga 2 marta yo‘l topishdi, ammo o‘z darvozalaridan bitta to‘p o‘tkazib yuborishdi ham. 50-daqiqada Dibala gol muallifiga aylangan bo‘lsa, 75-daqiqada Pinamonti "Sassuolo"ning to‘rtinchi to‘pini "Roma" darvozasiga kiritdi.

O‘yin qo‘shib berilgan 5-daqiqada Veynaldum hisobni 3:4 ko‘rinishiga keltirdi. Lekin "Roma" bundan boshqasiga vaqt ham, imkon ham qolmadi. Mourinyo jamoasi ushbu mag‘lubiyat tufayli 47 ochko bilan 5-o‘rinda qolgan bo‘lsa, "Sassuolo" o‘z ochkolarini 33taga yetkazib oldi.

Italiya A seriyasi, 26-tur
Roma – Sassuolo 3:4 (1:3, 2:1)
Gollar: 0:1 – 13 Loryante, 0:2 – 18 Loryante, 1:2 – 26 Zalevski, 1:3 – 45+4, penalti Berardi, 2:3 – 50 Dibala, 2:4 – 75 Pinamonti, 3:4 – 90+5 Veynaldum.
Roma – Ruy Patrisiu, Smolling, Kumbula, Rojer, Spinassola (Karsdorp, 46), Veynaldum, Matich (Kamara, 56), Bove (Dibala, 46), Zalevski (Volpato, 77), El-SHaaravi, Abraxam (Mayxshak, 77).
Sassuolo – Konsili, Tolyan, Ferrari, Ruan (Erlich, 64), Rojerio, Lopes (Obiang, 64), Frattezi, Mateus Enrike, Berardi (Bayrami, 76), Pinamonti, Loryante (Defrel, 76).
Ogohlanirishlar: Smolling (9), Lopes (50), Matich (54), Ruan (58), Rojer (73), Kamara (86).
Chetlatish: Kumbula (45+3).