Fransiya terma jamoasi va "PSJ" markaziy himoyachisi Presnel Kimpembe yozgi transfer oynasida klubini o‘zgartirishga yaqin turibdi. Bu haqda jurnalistlar Fichajes xabar bermoqda.
Manba bergan xabarga ko‘ra, Parij grandi rahbariyati himoyachining joriy mavsumdagi o‘yin darajasidan norozi. 27 yoshli futbolchi joriy mavsum Fransiya chempionatida 11 ta o‘yinda maydonga tushdi va 3 ta sariq kartochka oldi.
Kimpembe 2015 yilning iyunidan beri "PSJ" sharafini himoya qilib kelmoqda. Tomonlar o‘rtasidagi amaldagi mehnat shartnomasi muddati 2024 yilning o‘rtalarigacha hisoblanadi. Transfermarkt ekspertlari uning qiymatini 40 million yevroga baholamoqda.