Франция терма жамоаси ва "ПСЖ" марказий ҳимоячиси Преснел Кимпембе ёзги трансфер ойнасида клубини ўзгартиришга яқин турибди. Бу ҳақда журналистлар Fichajes хабар бермоқда.
Манба берган хабарга кўра, Париж гранди раҳбарияти ҳимоячининг жорий мавсумдаги ўйин даражасидан норози. 27 ёшли футболчи жорий мавсум Франция чемпионатида 11 та ўйинда майдонга тушди ва 3 та сариқ карточка олди.
Кимпембе 2015 йилнинг июнидан бери "ПСЖ" шарафини ҳимоя қилиб келмоқда. Томонлар ўртасидаги амалдаги меҳнат шартномаси муддати 2024 йилнинг ўрталаригача ҳисобланади. Transfermarkt экспертлари унинг қийматини 40 миллион еврога баҳоламоқда.