Usmon Dembelening "Barselona" bilan shartnomasida tovon puli bo‘yicha ikkita band mavjud.
Fabrisio Romanoning fikricha, joriy mavsum oxirigacha vingerning tovon puli 100 million yevro bo‘ladi. Biroq iyul va avgust oylarida u pastroq bo‘ladi va 50 million yevroni tashkil qiladi.
Dembelening kataloniyaliklar bilan shartnomasi 2024 yilgacha mo‘ljallangan, klub uni uzaytirmoqchi. "Barselona" yakuniy muzokaralarga tayyorgarlik ko‘rayotgani xabar qilingandi.
Dembele joriy mavsum La Ligada 18 ta o‘yinda maydonga tushib, 5 ta gol va 5 ta golli uzatmaga mualliflik qilgan.