Усмон Дембеленинг "Барселона" билан шартномасида товон пули бўйича иккита банд мавжуд.
Фабрицио Романонинг фикрича, жорий мавсум охиригача вингернинг товон пули 100 миллион евро бўлади. Бироқ июль ва август ойларида у пастроқ бўлади ва 50 миллион еврони ташкил қилади.
Дембеленинг каталонияликлар билан шартномаси 2024 йилгача мўлжалланган, клуб уни узайтирмоқчи. "Барселона" якуний музокараларга тайёргарлик кўраётгани хабар қилинганди.
Дембеле жорий мавсум Ла Лигада 18 та ўйинда майдонга тушиб, 5 та гол ва 5 та голли узатмага муаллифлик қилган.