“Atletiko” vingeri Anxel Korrea bosh murabbiy Diyego Simeonening faoliyati haqida gapirdi.
“Men undan juda minnatdorman, chunki bu yillar davomida u menga futbol va shaxsiy nuqtai nazardan o‘sishimga yordam berdi. Uning yutuqlari aql bovar qilmaydi va "Atletiko" boshqaruvidagi eng ko‘p o‘yinlari bo‘yicha rekordi o‘z-o‘zidan dalolat beradi. Zamonaviy futbolda futbolchilar va murabbiylar uchun shuncha yil bir klubda qolish juda qiyin. Menga Diyego ajoyib murabbiy ekanligi ayon. U buni yildan-yilga isbotlamoqda", - deydi 28 yoshli argentinalik futbolchi.
Diyego Simeone 2011 yildan beri jamoada ishlamoqda. Uning amaldagi shartnomasi 2023/24 yilgi mavsum oxirigacha amal qiladi.
