“Атлетико” вингери Анхель Корреа бош мураббий Диего Симеоненинг фаолияти ҳақида гапирди.

“Мен ундан жуда миннатдорман, чунки бу йиллар давомида у менга футбол ва шахсий нуқтаи назардан ўсишимга ёрдам берди. Унинг ютуқлари ақл бовар қилмайди ва "Атлетико" бошқарувидаги энг кўп ўйинлари бўйича рекорди ўз-ўзидан далолат беради. Замонавий футболда футболчилар ва мураббийлар учун шунча йил бир клубда қолиш жуда қийин. Менга Диего ажойиб мураббий эканлиги аён. У буни йилдан-йилга исботламоқда", - дейди 28 ёшли аргентиналик футболчи.

Диего Симеоне 2011 йилдан бери жамоада ишламоқда. Унинг амалдаги шартномаси 2023/24 йилги мавсум охиригача амал қилади.