"Bavariya" markaziy himoyachisi Lyuka Ernandes tez orada klub bilan yangi shartnoma imzolaydi.
Kuni kecha myunxenliklar fransiyalik futbolchining mehnat shartnomasini uzaytirishdan manfaatdor ekanligi ma’lum bo‘ldi. Hozir, jurnalist Florian Plettenberg ta’kidlaganidek, tomonlar juda ijobiy muzokaralar olib borishdi. Muhokamalarning muvaffaqiyatli yakunlanishi ehtimoli juda yuqori. Yaqin orada 27 yoshli futbolchi klub bilan yangi uzoq muddatli shartnoma imzolashi mumkin.
Eslatib o‘tamiz, ayni damda Lyuka Ernandes Qatardagi jahon chempionatida olgan jarohati sabab maydonga tusha olmaydi.
