«Manchester Yunayted»ning markaziy himoyachisi va sardori Rafael Varan APLda «Liverpul»dan uchralgan mag‘lubiyatni esladi.
Uchrashuv «Enfild»da bo‘lib o‘tdi va 0:7 hisobida «qizil iblislar» uchun halokatli natija bilan yakunlandi.
«Juda ko‘ngilsiz natija bo‘ldi, lekin men jamoamizda to‘g‘ri mentalitet shakllanganidan xursandman.
Biz bir-birimiz uchun oxirigacha kurashamiz. Himoyadagi o‘yinni yaxshilashga harakat qilyapmiz. Agar bu mag‘lubiyatni unutsak, yaxshi yo‘lga tushib olamiz.
Ijobiy natijalar ishonchni oshiradi. «Manchester Yunayted»da g‘alaba qozonish mentaliteti bor», - deya Varanning so‘zlarini keltiradi Daily Mail.
«Manchester Yunayted»ning navbatdagi o‘yini Yevropa ligasi doirasida «Betis»ga qarshi bo‘ladi. O‘yin 16 mart kuni bo‘lib o‘tadi.
