"Chelsi" va "Manchester Yunayted" klublari Dortmundning "Borussiya" klubi darvozaboni Gregor Kobelga qiziqish bildirmoqda, deya xabar beradi Sport1 jurnalisti Patrik Berger.
Manba bergan xabarga ko‘ra, har ikki klub vakillari futbolchining agenti bilan dastlabki muzokaralar olib borishgan. Shu bilan birga, "Borussiya" 25 yoshli shveysariyalikni sotmoqchi emas, futbolchining o‘zi esa yana kamida bir mavsumni Germaniya jamoasida o‘tkazishni istamoqda.
Kobel 2021 yilning iyul oyida "Shtutgart"dan Dortmundning "Borussiya"siga ko‘chib o‘tgan. 2022/23 yilgi mavsumda darvozabon 25 uchrashuvda 22 ta gol o‘tkazib yubordi va 12 bor darvozasi daxlsizligini saqlab qoldi.
Transfermarkt.com portali darvozabonning narxini 25 million yevroga baholamoqda, uning shartnomasi 2026 yilning iyun oyi oxirigacha amal qiladi.