"Челси" ва "Манчестер Юнайтед" клублари Дортмунднинг "Боруссия" клуби дарвозабони Грегор Кобелга қизиқиш билдирмоқда, дея хабар беради Sport1 журналисти Патрик Бергер.
Манба берган хабарга кўра, ҳар икки клуб вакиллари футболчининг агенти билан дастлабки музокаралар олиб боришган. Шу билан бирга, "Боруссия" 25 ёшли швейцарияликни сотмоқчи эмас, футболчининг ўзи эса яна камида бир мавсумни Германия жамоасида ўтказишни истамоқда.
Кобель 2021 йилнинг июл ойида "Штутгарт"дан Дортмунднинг "Боруссия"сига кўчиб ўтган. 2022/23 йилги мавсумда дарвозабон 25 учрашувда 22 та гол ўтказиб юборди ва 12 бор дарвозаси дахлсизлигини сақлаб қолди.
Transfermarkt.com портали дарвозабоннинг нархини 25 миллион еврога баҳоламоқда, унинг шартномаси 2026 йилнинг июн ойи охиригача амал қилади.
