«Manchester Yunayted» vingeri Alexandro Garnacho APLning 27-turidan o‘rin olgan «Sautgempton»ga qarshi o‘yinda (0:0) olgan jarohati haqida fikr bildirdi.
«Hozir nimani his qilayotganimni tasvirlash qiyin. Afsuski, «Manchester Yunayted» uchun mavsumning juda muhim qismida jamoamga yordam bera olmayman.
Argentina terma jamoasida o‘ynash imkoniyatini qo‘ldan boy berayotganimdan ham xafaman. Bu men va oilam uchun juda muhim lahza bo‘lardi», - deya Garnachoning so‘zlaridan iqtibos keltiradi «Manchester Yunayted» matbuot xizmati.
18 yoshli futbolchi joriy mavsum APLda 15 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
23 mart kuni Argentina terma jamoasi Panamaga qarshi o‘rtoqlik uchrashuvi o‘tkazadi.
