«Манчестер Юнайтед» вингери Алехандро Гарначо АПЛнинг 27-туридан ўрин олган «Саутгемптон»га қарши ўйинда (0:0) олган жароҳати ҳақида фикр билдирди.

«Ҳозир нимани ҳис қилаётганимни тасвирлаш қийин. Афсуски, «Манчестер Юнайтед» учун мавсумнинг жуда муҳим қисмида жамоамга ёрдам бера олмайман.

Аргентина терма жамоасида ўйнаш имкониятини қўлдан бой бераётганимдан ҳам хафаман. Бу мен ва оилам учун жуда муҳим лаҳза бўларди», - дея Гарначонинг сўзларидан иқтибос келтиради «Манчестер Юнайтед» матбуот хизмати.

18 ёшли футболчи жорий мавсум АПЛда 15 та ўйинда майдонга тушиб, 2 та гол урди ва 2 та голли узатмани амалга оширди.

23 март куни Аргентина терма жамоаси Панамага қарши ўртоқлик учрашуви ўтказади.