Yevropa chempionlar ligasi nimchorak final bosqichi doirasida «Manchester Siti» o‘z maydonida «Leypsig»ni qabul qilib, o‘ta yirik hisobda (7:0) g‘alaba qozondi. Mazkur o‘yinda 5 ta gol muallifiga aylangan Erling Xoland o‘z fikrlari bilan o‘rtoqlashdi.

– Ajoyib oqshom. Birinchidan, men ushbu musobaqa ishtirok etayotganimdan xursandman. Beshta gol! 7:0 hisobida g‘alaba qozonish – zo‘r natija.

– Gollaringizdan qaysi biri sizga ko‘proq yoqdi?
– Barcha gollarimni yaqqol eslab qolmadim. Qanday zarba berganim esimda, ammo nimani o‘ylaganimni eslolmayman. Gollarni nishonlayverib charchadim.

Mening kuchim — gol urishda. Bugun buncha ko‘p gol uraman deb o‘ylamagandim. Ko‘p o‘ylab o‘tirmasdan to‘pni darvoza tomon tepishga harakat qildim. Gap tez qaror chiqarish va darvozaning bo‘sh qismiga to‘pni yo‘naltirishda.