“Real” hujumchisi Karim Benzema “Liverpul” bilan Yevropa Chempionlar ligasi 1/8 final javob uchrashuvida (1:0) eng yaxshi futbolchi deb topildi. 35 yoshli fransuz yagona gol muallifiga aylandi. O‘yindan so‘ng unga sovg‘a topshirildi.
“Yaxshi jamoaviy o‘yin. Karim har doim to‘pni yaxshi ushlab, to‘g‘ri vaziyatga tushib, xavf tug‘dirishga harakat qildi. U yakunda o‘yinning hal qiluvchi va yagona golini kiritdi”, — dedi UYEFA texnik kuzatuvchilar jamoasi.
Madridliklar 1/4 finalga chiqdi. Qur’a tashlash marosimi 17 mart kuni bo‘lib o‘tadi.
