“Реал” ҳужумчиси Карим Бензема “Ливерпуль” билан Европа Чемпионлар лигаси 1/8 финал жавоб учрашувида (1:0) энг яхши футболчи деб топилди. 35 ёшли француз ягона гол муаллифига айланди. Ўйиндан сўнг унга совға топширилди.
“Яхши жамоавий ўйин. Карим ҳар доим тўпни яхши ушлаб, тўғри вазиятга тушиб, хавф туғдиришга ҳаракат қилди. У якунда ўйиннинг ҳал қилувчи ва ягона голини киритди”, — деди УЕФА техник кузатувчилар жамоаси.
Мадридликлар 1/4 финалга чиқди. Қуръа ташлаш маросими 17 март куни бўлиб ўтади.
