Madridning “Real” klubi hujumchisi Karim Benzema fransiyalik bosh murabbiy Didye Desham haqida gapirmadi. Eslatib o‘tamiz, jahon chempionati arafasida hujumchi mutaxassis bilan janjallashib qolgandi, shu sababli Benzema keyinchalik termadagi faoliyatini yakunlagan edi.
"Desham? Men u haqida gapirmayman. Hozir buning uchun to‘g‘ri vaqt emas. Men “Liverpul”ga qarshi o‘yin haqida gapirish uchun keldim”, dedi Benzema o‘yindan keyingi intervyusida.
Kecha Benzema Chempionlar ligasining ⅛ finalining javob o‘yinida "Liverpul"ga qarshi o‘yinda g‘alaba golini kiritdi. Shu bilan birga, 35 yoshli fransiyalik o‘yinning eng yaxshi futbolchisi sovrinini ham qo‘lga kiritdi.